...

Керакли савол-жавоблар

- Жуда бой бўлиш учун нима қилиш керак?

- Қаноаткор бўлган инсонларнинг энг бойи бўлади.

- Энг хайрли кимса ким?

- Инсонларнинг энг хайрлиси бошқаларга фойдали бўлганидир.

- Энг адолатли бўлган инсон ким?

- Ўзи учун истаганини бошқа инсонларга ҳам истаган киши инсонларнинг энг одилидир.

- Аллоҳнинг хос қули бўлиш учун нима қилиш керак?

- Аллоҳни кўп зикр этиб ёдга олган киши Аллоҳнинг хос қули бўлади.

- Эҳсон соҳиби бўлиш учун нима қилиш керак?

- Аллоҳга Уни кўриб тургандек ибодат этган кимса эҳсон соҳиби бўлади.

- Комил имонга қовушиш учун нима қилиш керак?

- Гўзал ахлоқли бўлиш керак.

- Нур ичида қайта тирилиш учун нима қилиш лозим?

- Ҳеч кимга зулм этмаган киши нур ичида қайта тирилади.

- Гуноҳлари камайиши учун нима қилиш керак?

- Истиғфор этиб, гуноҳларининг кечирилиши учун Аллоҳга ёлворган кишининг гуноҳлари камаяди.

- Карам соҳиби бўлиш учун нима қилиш керак?

- Аллоҳга қулларидан шикоят этмаган одам инсонларнинг карими бўлади.

- Ризқи мўл бўлиши учун нима қилиш лозим?

- Тозаликка эътибор берган кишининг ризқи мўл бўлади.

- Аллоҳу таоло ва Пайғамбар жанобимиз тарафидан севилиш учун нима қилиш керак?

- Севилиш учун Уларнинг севганларини севиш, севмаганларини севмаслик керак.

- Аллоҳнинг ғазабидан қутулиш учун нима қилиш керак?

- Дунё учун бировга ғазабланмаган киши Аллоҳнинг ғазабидан қутулади.

- Дуолари қабул бўлиши учун нима қилиш керак?

- Ҳаромлардан сақланган одамнинг дуолари қабул бўлади.

- Бошқаларнинг ёнида разил бўлишни истамаган кимса нима қилиш лозим?

- Номусини сақлаган, иффатли бўлган бошқаларнинг ёнида разил бўлмайди.

- Айблари яширин бўлиб қолишини истаган кимса нима қилиши лозим?

- Дин биродарининг айбларини яширган кишининг айбларини Аллоҳу таоло яширади.

- Гуноҳларни нима авф эттиради?

- Кўз ёшлари ва хасталиклар.

- Қайси яхшилик кўпроқ фазилатлидир?

- Гўзал ахлоқ, тавозе, балоларга сабр ва қазога розилик...

- Энг катта гуноҳ нима?

- Ёмон ахлоқдир.

(Берилган жавобларнинг барчаси ҳадиси шарифлардан олинган.)